大甲中央扶輪社舉辦第15屆台語演講比賽

08 十一月, 2015 16:10 •  (0) 迴響  •  引用(0)  •  134 hit.  • 分類: 閩南語演講比賽

大甲中央扶輪社舉辦的台語演講比賽

阮閣來參加囉!讚啦!

alt

 (閱讀全文)

低年級閩南語演講稿分享-「我的家庭」

09 七月, 2015 16:48 •  (0) 迴響  •  引用(0)  •  167 hit.  • 分類: 閩南語演講比賽

低年級演講稿     我的家庭

   各位評判先生、各位在座的朋友,逐家好!我是編號第_號,今仔日我欲演講的題目是:「我的家庭」、「我的家庭」。

   我有一个幸福的家庭,厝裡有阿爸、阿母、小妹佮我總共四个人,阮規家蹛做伙,過著平凡、閣快樂的日子。這馬我就來介紹阮兜的人。

   阿爸生做懸閣瘦,身材敢若一枝竹篙,毋過,伊的脾氣真好,足有人緣。逐擺我佮小妹若是做毋著代誌,伊會真有耐心共阮講,予阮機會,叫阮愛改過來;我破病的時,阿爸會叫我加啉水、加歇睏。阿爸平常時真愛運動,有時陣會阮規家伙仔去山、抑是體育場拍球。

   阿母伊平常時仔真溫和,毋過有當時仔會真雜唸。我佮小妹做毋著代誌的時,伊就會變成一隻虎豹母共阮罵。阿母真關心我佮小妹的身體,嘛真關心阮的功課,逐擺我若考試考好,伊就會買糖仔餅佮chhit-thô物仔予我;若是我佮小妹冤家,伊就會提一支『愛的小手』共阮處罰。阿母上愛食好食的物件,閣有看電影佮小說,伊上捷講的一句話是:「李威融,緊去做家事!」

 

   阮小妹真愛司奶,伊定定共阿爸講:「阿爸有夠緣投!」伊嘛真愛媠,逐工攏為著欲揣衫,煞差一點仔遲到。伊的喙真甜,真佮意鬥做厝內的工課,伊嘛足有正義感,定定共我講我佗位做毋著。毋過阮小妹食飯有夠慢,定定予阿母念。

   抑我咧?我的個性,性地無蓋好,毋過,脾氣來了緊,嘛連鞭就過去矣。我平常時真佮意算數學,會使常常思考,互我反應愈來愈緊;益閣有畫圖、耍各種電腦遊戲,攏真趣味。而且我佮阿爸仝款,攏足佮意運動,上佮意拍籃球、踢腳球。因為我細漢的時定定破病蹛院,所以阿爸希望我會當健康大漢,嘛希望我的衛生習慣佮耐心攏愛加強。

   阮平常時的休閒活動,就是畫圖、運動、聽媽媽彈鋼琴。放假的時,阿爸有閒就會阮四界去chhit-thô、運動兼看風景。

   我的家庭真趣味,我希望阮規家伙仔會當永遠蹛做伙,嘛希望阿爸、阿母的身體健康,小妹功課進步,大家攏會使平平安安、快樂過日子!  我的演講到遮為止,多謝逐家!

大甲中央扶輪社舉辦第14屆台語演講比賽

09 十一月, 2014 14:00 •  (0) 迴響  •  引用(0)  •  89 hit.  • 分類: 閩南語演講比賽

103.11.02大甲中央扶輪社舉辦第14屆台語演講比賽讚啦!

 

alt

 (閱讀全文)